«ҚПЛ-да өмір бойына жететін байлық жинауға болады»: «Қайсардың» экс-легионері Қазақстандағы жалақы туралы

Қызылордалық «Қайсардың» бұрынғы камерундық жартылай қорғаушысы Кларенс Битанг ASnews.kz сайтына берген сұхбатында Қазақстан премьер-лигасындағы жалақы туралы айтты.

«Әрине, Қазақстанда үлкен ақша табуға болады. Көптеген жергілікті клубтардың бюджеті тым «көптірілген». Барлығы футболшының өзі ауысқан командаға қандай пайда әкеле алатынына байланысты. «Астана» мен «Тобыл» сияқты клубтарда «қыруар» ақша табуға болатыны түсінікті. Мұндай командаларда үлкен соманы оңай алуға болады. Қазақстанда бірнеше жыл ойнап, өміріңнің соңына дейін жететін байлық жинап алуға болады», – деп бастады Битанг.

Елде болған кезіндегі жағымсыз жайттар туралы айта келе, камерундық ойыншы тек төлемдердің тұрақсыздығын ерекше атап өтті:

«Шынымды айтсам, Қазақстандағы жалғыз мәселе – жалақының кешіктірілуі. Қалғанының бәрі жақсы деңгейде болды. Клубтарға жақсы қолдау көрсетіледі, елде футболды жақсы көреді», – деп қорытындылады футболшы.

Естеріңізге сала кетейік, Кларенс Битанг үш маусым бойы – 2019 жылдан 2021 жылдың соңына дейін қызылордалық «Қайсардың» намысын қорғады. «Қасқырлармен» бірге жартылай қорғаушы Қазақстан Кубогының иегері атанды. ҚПЛ аясында ол барлығы 51 матч өткізіп, бір гол соғып, бір нәтижелі пас берді.

Қазіргі уақытта камерундық ойыншы Ирак чемпионатында «Аль-Завраа» клубының сапында өнер көрсетеді. Футболшының нарықтық құны 150 мың еуроға бағаланып отыр.

«Бұл бізді мықтырақ ете түсетін»: «Каспийдің» экс-легионері Ақтаудағы стадионға айтылған сынға жауап берді