Словакияның экс-футболшысы: Таркович Нанимен тіл табысып кетеді

Мәскеудлік «Динамо» клубы мен Словакия құрамасының бұрынғы шабуылшысы Мартин Якубко ASnews.kz сайтына берген сұхбатында Штефан Тарковичтің кәсіби және адами қасиеттеріне баға берді.

«Таркович Словакия құрамасында ұзақ уақыт Ян Козактың көмекшісі болды. Козак негізінен менеджерлік қызмет атқарса, жаттығу процесіне тікелей Штефан жауап беретін. Қазіргі құрамдағы футболшылардың көбі дәл соның қолынан өткен», – деді Якубко.

Сондай-ақ, ол «Ақтөбенің» жаңа бапкері Луиш Нани мен Иван Ордец секілді команда көшбасшыларымен тіл табыса алатынына сенімді болып отыр.

«Жұлдыз ойыншылармен жұмыс істеу оңай емес – әрқайсының өз мінезі бар. Бірақ Тарковичтің артықшылығы – кез келген футболшымен ортақ тіл таба біледі. Оның бірде-бір ойыншымен жанжалдасқанын естіген емеспін. Егер ондай жағдай болса, міндетті түрде БАҚ-та жарияланар еді.

Біз Штефанмен жерлеспіз, бұрыннан таныспыз. Сондықтан «Ақтөбе» жанкүйерлеріне сеніммен айта аламын: ол – өте жақсы, ашық адам. Қанша келіспей қалса да, әрдайым бірінші болып байланысқа шығып, түсінуге тырысатын. Бұл оның мінезін айқын көрсетеді», – деді ол.

53 жастағы маман 2013–2018 жылдары Словакия құрамасында бас бапкердің көмекшісі болды. Кейін ұлттық құраманы өзі тізгіндеп, 22 матчтың 8-де жеңіске жетті. Алайда Ұлттар лигасында Қазақстаннан 0:1 есебімен жеңілгеннен кейін қызметінен босатылды.

Клубтық деңгейде Штефан Таркович «Кошице», «Татран» және «Жилина» командаларын жаттықтырған. Ол көбіне шабуылға басымдық беретін 4-3-3 схемасын қолданады.