Рамазан Оразов өзі ойнаған чемпионаттарды салыстырды

Қазақстан құрамасы мен даниялық «Силькеборгтың» жартылай қорғаушысы Рамазан Оразов осы уақытқа дейін өзі ойнаған чемпионаттарды салыстырды.

«Әзірге мен үшін бірінші орында Дания чемпионаты тұр. Мұндағы стадиондар, алаң сапасы және ойыншылар жоғары деңгейде. Екінші орынға Қазақстан чемпионатын, ал үшке ФНЛ-ды қоямын. Ресейде ойнаған кезімде жақсы командалар көп болды. Стадиондары да әлем чемпионатына арналып салынған еді.

Латвия чемпионатында көп ойнаған жоқпын. Словенияда «Марибор», «Олимпия» және «Целе» клубын ерекшелеп айтуға болады. «Целе» Клнференция лигасында алысқа шапты. Бұл бүкіл Словения үшін алға қарай жасалған үлкен қадам болды. Баслылығында жақсы адамдар жүмыс істейді, ойыншылары да мықты. Дания, ҚПЛ, ФНЛ, Словения, сосын Латвия. Міне менің рейтингім осындай», – деді Оразов BorodAbata.kz сайтына бергенде сұхбатында.

27 жастағы футболшы Қазақстанда «Қайрат», «Ақтөбе», «Ақсу», «Тобыл», Ресейде «Чайка», Словенияда «Копер», Латвияда «Даугавпилс» командаларында доп тепті.