«Қайсар» жұлдызды жаңа ойыншысын тіркей алмай отыр

Қызылордалық «Қайсар» нигериялық шабуылшы Имо Эзекильді тіркеу кезінде қиындықтарға тап болды, деп хабарлайды ASnews.kz.

32 жастағы африкалық футболшы бюрократиялық мәселелерге байланысты ҚПЛ-дың екінші турында «Астанамен» (0:0) болған матчты өткізіп алды. Футболшының айналасындағылар оның албаниялық «Поградецпен» арадағы келісімшарты туралы ақпаратқа түсініктеме беруден бас тартты, дегенмен бұл мәселе 2-3 күн ішінде толық шешілетініне сендірді.

Transfermarkt порталының мәліметі бойынша, Эзекильдің Балқан түбегіндегі клубпен келісімшарты қаңтар айының соңында аяқталған.

Бұған дейін шабуылшы непалдық «Лалитпур» және румыниялық УТА сапында өнер көрсеткен. Ол өз мансабын атақты бельгиялық «Стандард» клубында бастап, онда АПЛ чемпионы Миши Батшуайимен бірге шабуыл шебінде дуэт құрған болатын.

Сондай-ақ «Қайсар» осы қыста танымал ойыншы Виктор Мозеспен де келісімшартқа отырған еді. Елордалықтарға қарсы дебюттік ойынында 35 жастағы әмбебап ойыншы 26 минут өнер көрсетті, алайда нәтижелі әрекетімен көзге түсе алмады.