Ресей құрамасының бапкері «Астананың» экс-ойыншысы туралы: Грипши «Рубинде» өзін лайықты көрсетуде

«Рубин» мен Қазақстан ұлттық құрамасының бұрынғы бапкері Виталий Кафанов ASnews.kz сайтына берген сұхбатында Назми Грипшидің «Краснодарға» (2:1) қарсы ойынына баға берді. «Астананың» бұрынғы жартылай қорғаушысы қазандықтар сапындағы алғашқы голын соқты.

«Грипши жақсы матч өткізді. Қатты аяз бен үйреншікті емес алаңға қарамастан, ол ерекше көзге түсіп, есеп ашты. РПЛ-дағы болашағы қалай болматынына келетін болсақ, алдын ала кесіп айтқым келмейді, бірақ ол «Рубин» сапындағы маусымын өте лайықты бастады», – деді Кафанов.

Ресей құрамасы бапкерлер штабының қазіргі мүшесі ҚПЛ-дан барған футболшылардың Ресей премьер-лигасындағы мүмкіндіктері туралы да пікір білдірді:

«Негізгі құрамнан орын алып, жеңіске үлкен үлес қосқан Чинедудің «Крылья Советов» сапындағы дебютіне қарай отырып, мынадай тұжырым жасауға болады: ҚПЛ-дан шыққан ойыншылар РПЛ-да толықтай бәсекеге қабілетті бола алады», – деп қосты ол.

Еске салайық, «Астананың» экс-шабуылшысы Джеффри Чинеду де махачқалалық «Динамо» қақпасына (2:0) дубль жасаған болатын. «Крылья Советов» нигериялық ойыншы үшін 330 мың еуро төледі.

Ал Виталий Кафанов «Рубинде» 2002-2013 және 2017-2019 жылдар аралығында жұмыс істеген. Бұған дейін ол Қазақстан ұлттық құрамасының бапкерлер штабында да қызмет еткен.