Қазақстан құрамасының экс-қақпашысы – «Елімайға» берілмеген пенальти туралы: Өміртаевтың ахилынан тепті

«Ордабасы» мен Қазақстан құрамасының бұрынғы қақпашысы Алмат Бекбаев ASnews.kz сайтына берген сұхбатында ҚПЛ-дың бірінші турындағы «Оқжетпес» пен «Елімай» (1:1) матчында тағайындалмаған пенальти эпизодына қатысты пікір білдірді.

«VAR-ды қарамастан нақты баға беру қиын, бірақ қолжетімді жалғыз ракурстан байқағаным – иә, қорғаушы оның ахилынан теуіп жіберді. Мұндай жағдайларда үш түрлі ракурстан қайталап көру қажет», – деді Бекбаев.

Семейлік клубтың қорғаушысы Эдисон Ндрека өз айып алаңында Оралхан Өміртаевпен қақтығысып қалған болатын. Алайда ойында бірінші болып есеп ашқан қонақтар 11 метрлік айып добынан аман қалды.

Маусым басталар алдында ҚФФ әлемдегі жетекші VAR технологияларын жеткізушілердің бірі – Hawk-Eye жүйесін енгізетінін мәлімдеген еді.