Вавалис – Анарбековтың болашағы туралы: ол Еуропада ойнауға дайын

«Жеңіс» клубының бұрынғы бас бапкері Акис Вавалис ASnews.kz сайтына берген сұхбатында «Қайрат» қақпашысы Темірлан Анарбековтың болашағына қатысты пікір білдірді.

«Бастапқыда Анарбеков қосалқы қақпашы болғанымен, оның ерекше қабілетін байқамау мүмкін емес еді. «Қайрат» сапында үш пенальтиді қайтарып, командасын Лига кубогының финалына шығарды (2:3). Ол ешкімнен кем еңбек еткен жоқ. Ал Чемпиондар лигасындағы соңғы ойындары арқылы деңгейінің айтарлықтай өскенін және жоғары лигаға лайық екенін дәлелдеді.

Қазір Темірланның шеберлігі артқандықтан, оған атақты клубтардың қызығушылық танытуы әбден мүмкін. Словакия, Словения немесе Болгария чемпионаттары да осал емес, алайда бұл қақпашы бұдан да жоғары деңгейге дайын, – деді грек маманы.

Қазақстан құрамасының қазіргі қақпашысы Темірлан Анарбеков 2024 жылы «Жеңіс» клубында жалдау шарты бойынша өнер көрсетті. Александр Заруцкий жарақат алғаннан кейін, ол «Қайраттың» негізгі қақпашысына айналды.

Алматылық клубтың президенті Қайрат Боранбаевтың айтуынша, қақпашыға Англия, Грекия және Ресей клубтары қызығушылық танытып отыр. Бұған дейін оған болгариялық ЦСКА да көз тіккен.

22 жастағы қақпашының трансферлік құны 400 мың еуро деп бағалануда.