«Ақтөбенің» экс-бапкері – Костовтың кетуі туралы: қарсыластар отқа май құйып жатыр

«Ақтөбенің» бұрынғы бас бапкері Владимир Муханов ASnews.kz сайтына берген сұхбатында БАҚ беттерінде Николай Костовтың «ақ-қызылдардың» бас бапкері қызметінен кетуі мүмкін деген қауесеттерге қатысты пікір білдірді.

«БАҚ беттерінде бапкердің ауысуы мүмкін деген ақпарат пайда болғанда, әрине, 80% жағдайда бұл жұмыстан жаңылдырады. Мұндай қысымның еш қажеті жоқ. Мен де таңғалып, мұндай дүниелерді кім таратады деп сұраймын. Бапкер жұмыс істеп жатыр, ал БАҚ клуб бір маманмен, сосын екіншісімен келіссөз жүргізіп жатыр деген ақпарат шығарады. Бұл кімнің ойлап тапқаны? Не үшін? Бұл клубтан шығып жатпағанына сенімдімін. Қарсыластар отқа май құйып жатқандай көрінеді. Сөзсіз, бұл қысым мүлдем қажет емес. Мұның бәрін тоқтату керек. Адамға жұмысты сеніп тапсырдыңыз ба? Жұмыс істей берсін», – деді Муханов.

Бұған дейін ақпарат кеңістігінде «Ақтөбенің» тізгінін түрлі шетелдік мамандар ұстауы мүмкін деген ақпарат жиі шығып жүрді. Атап айтқанда, БАҚ беттерінде «ақ-қызылдардың» бас бапкері қызметіне үміткерлер қатарында Роман Григорчук, Владимир Вайсс, Виктор Скрипник және Владислав Лупашконың есімдері аталды. Қазіргі уақытта команданы болгариялық маман Николай Костов жаттықтырады.

Айта кетейік, Владимир Муханов бапкерлік мансабының басым бөлігін Қазақстанда өткізген. Ол ең үлкен табысқа дәл «Ақтөбенің» тізгінінде жетіп, клуб тарихындағы ең атақты (көп титул жеңіп алған) бапкер атанды. Оның жетекшілігімен «ақ-қызылдар» Қазақстанның үш дүркін чемпионы (2007, 2008, 2009), сондай-ақ ел Кубогы мен Суперкубогының иегері болды.

Бұған дейін ол Нанидің трансферіне қатысты да пікір білдірген болатын.