«Хартс» қожайыны: Еуропа Чесноковтың трансферінен кейін ҚПЛ-ға назар аударады

«Хартс» клубының иесі және ESPN комментаторы Марк Дональдсон Ислам Чесноковтан кейін басқа да қазақстандық футболшылардың еуропалық клубтарға қосылуы мүмкін екенін айтты.

«Егер еуропалық клубтар ҚПЛ нарығына көбірек көңіл бөле бастаса, мен таң қалмас едім, өйткені онда таланттар көп. Шотландиядағы жанкүйерлер 2019 жылы «Астана Аренада» (3:0) Қазақстанның бізді қалай ұтқанын әлі ұмытқан жоқ.

Енді британдық заңнаманың ерекшеліктерін ескерсек, жергілікті клубтар үшін қазақстандықтарды сатып алу қиын емес. Бірақ олар ұлттық құраманың мүшесі болуы керек, ал басқа ойыншыларды жұмысқа рұқсат алу мәселесіне байланысты әкеле алмайсыз. Чесноковтың «Хартстағы» жарқын ойыны басқа да адамдардың Премьер-лиганы бақылауына әсер етеді деп сенемін», - деді ол BorodAbata.kz сайтына берген сұхбатында.

«Хартс» Шотландия чемпионатының тарихындағы алғашқы қазақстандық атанатын Чесноковтың трансфері жайлы ортақ мәмілеге келіп үлгерді. «Тобыл» сапында шабуылшы 77 матч өткізіп, 24 гол соқты, 12 нәтижелі пас берді.