Иван Ордец – Нани туралы: имидж әкеліп қоймай, команданы күшейтеді деп үміттенемін

«Ақтөбенің» украиналық қорғаушысы Иван Ордец ASnews.kz сайтына берген сұхбатында ұжымның португалиялық жаңа ойыншы Луиш Наниді қабылдауға қалай дайындалғанын айтып берді.

«Әрине, бүкіл команда оған көмектесуге дайын. Оған бір ғана футболшы емес, бүкіл команда көмектесіп жатыр: алаңда да, киім ауыстыратын бөлмеде де, қандай да бір тұрмыстық мәселелерде де. Өйткені барлық футболшылардың қалжыңдары бірдей ғой.

Біздің ортақ танысымыз бар – менімен бірге германиялық «Бохумда» ойнаған Португалия ұлттық құрамасының экс-ойыншысы Гонсалу Пасиенсия. Жақында оған қоңырау шалып, Нани туралы сұрадым. Ол Нанидің өз ісіне барынша жауапкершілікпен қарайтын өте жақсы жігіт екенін айтты. Пасиенсия бізге жаңа маусымда сәттілік тілеп, Луиштің командамызға көмектесетініне сенімділігін білдірді.

Бұл имидж бе, әлде команданы күшейту ме? Оны уақыт көрсетеді. Екеуі де болады деп үміттенемін. Құдай бұйыртса, солай болғай», – деді Ордец.

33 жастағы орталық қорғаушы Иван Ордец «Ақтөбе» сапына маусым басталар алдында қосылды. Бұған дейін украиналық ойыншы донецкілік «Шахтер», мәскеулік «Динамо» және германиялық «Бохум» сияқты клубтарда өнер көрсеткен.

Ал «Манчестер Юнайтедтің» 39 жастағы экс-вингері Луиш Наниге келер болсақ, португалиялық 2026 жылдың қаңтар айында «ақ-қызылдармен» бір жылдық келісімшартқа қол қойды.

«Ақтөбенің» бұрынғы бас бапкері Владимир Муханов та бұл ауысым жайлы айтып өтті.