Африкалық сарапшы – «Тобыл» ойыншысы жайлы: Сиссе Гвинея құрамасына қажет

Гвинеялық сарапшы және Joueurs Guinéens X-аккаунтының авторы Ибраима Дамба ASnews.kz сайтына берген сұхбатында «Тобылдың» жаңа ойыншысы Абдулай Сиссе өз ұлттық құрамасының матчтарына шақырылуы керектігін айтты.

«Гвинеяда бұл трансфер назардан тыс қалған жоқ. Сиссе – өте мықты жартылай қорғаушы, бірақ өкінішке қарай, неге екені белгісіз, ол ұлттық құрамаға шақырту алмай жүр. Мәселенің неде екенін ешкім білмейді, алайда Абдулай арқылы «Тобыл» керемет футболшыға ие болғаны анық», – деді Дамба.

Еске салайық, сербиялық «Нови-Пазардың» 29 жастағы ойыншысы қостанайлықтарға 70 мың еуроға түсті. Бұған дейін ол франциялық «Анже» мен түркиялық «Коджаэлиспор» сапында өнер көрсеткен.

Сиссе Гвинея құрамасында 17 жасында дебют жасаған. Онда тіреуші жартылай қорғаушы Наби Кейта («Ференцварош»), Абдулай Туре («Гавр») және Сейдуба Сиссе («Леганес») сияқты футболшылармен бәсекелеседі.