Скаут – «Елімайдың» жаңа ойыншысы Игор Габриэл жайлы: ол біраз бәсеңдеп қалды

Ресейлік скаут Николай Егорычев ASnews.kz сайтына берген сұхбатында «Елімайдың» жаңа ойыншысы Игор Габриэлдің неліктен ҚПЛ-дың үздік қорғаушыларының бірі бола алатынын түсіндірді.

«Габриэл 2025 жылғы маусымның бірінші жартысын «Навбахор» сапында өте мықты өткізді. Ол бірнеше рет турдың символикалық құрамаларына енді, ал бірінші айналым қорытындысы бойынша бүкіл Суперлиганың символикалық құрамасына кірді. Ол өз позициясындағы үздіктердің бірі болды.

Кейін ол сәл бәсеңдеді, бірақ бұған спорттық себептерден тыс факторлар әсер етті. Клубта жалақы мен қарызға қатысты мәселелер басталып, бапкер ауысты. Қарыз болған кезде футболшылардың нашар ойнауы жиі кездеседі, бұл түсінікті жағдай», – деді Егорычев.

Сондай-ақ маман Габриэлге РПЛ клубтары тарапынан қызығушылық болғанын айтты:

«Бұл – сапалы қорғаушы, жекпе-жектерде жақсы ойнайды, айқын кемшіліктері жоқ. Мен таныс скауттармен сөйлестім – оны тіпті РПЛ клубтары қарастырған, кейбір командалардың кеңейтілген тізімінде болған.

Меніңше, ол Қазақстан чемпионатының деңгейін еркін көтере алады. Егер «Елімайда» бейімделу мен қаржы жағынан бәрі жақсы болса, ол өзін керемет қырынан көрсетуі тиіс», – деп түйіндеді скаут.

«Рассказы Николая | Скаутинг» телеграм-арнасы – Өзбекстан футболы туралы эксклюзивті ақпарат.

Бұған дейін «Елімайдың» баспасөз қызметі Игор Габриэлмен келісімшартқа отырғанын жариялаған болатын. 26 жастағы орталық қорғаушы бұрын бразилиялық «Флуминенсе», әзербайжандық «Сабах», минскілік «Динамо», украиналық «Львов», мальтaлық «Хибернианс» және өзбекстандық «Навбахор» клубтарында өнер көрсеткен.

Бұдан бөлек, Егорычев «Тобылдың» жаңа шабуылшысы Рубин Хебай туралы да айтып өтті.