Еуропалық сарапшы футболшылардың неге ҚПЛ-ға келетінін түсіндірді: олар «өмірлік келісімшарт» алады

Литвалық футбол сарапшысы Ярослав Михалкевич ASnews.kz сайтына берген сұхбатында жергілікті футболшылардың ҚПЛ-ға қалай қарайтынын айтып берді.

«Шыны керек, Литвада Қазақстанға ауысу тікелей «өмірлік келісімшартпен» немесе жай ғана жақсы ақша табу мүмкіндігімен байланыстырылады.

Бәлкім, қазір бұл стереотип шығар, бірақ көбісі әлі күнге дейін мұндай трансферлерді қаржылық жағынан тиімді шешім деп қарастырады», – деді сарапшы.

Еске салайық, жақын арада «Ұлытау» сапын литвалық «Паневежис» шабуылшысы Ариагнер Смит толықтыруы мүмкін. Сондай-ақ, 2025 жылы елдің ең нәтижелі жартылай қорғаушыларының бірі болған Лукас де Вегаға «Қайсардың» қызығушылық танытқаны хабарланған еді.

Литва чемпионатындағы барлық футболшының жалпы құны 38,9 млн еуроны құраса, ал ҚПЛ-да бұл көрсеткіш – 69,66 млн.