«Тобылдың» экс-шабуылшысы ҚПЛ-дың басқа командасына ауысуы мүмкін

Қостанайлық «Тобылдың» бұрынғы шабуылшысы Энрике Девенс Қазақстанда қалуы мүмкін, деп хабарлайды ASnews.kz.

28 жастағы бразилиялық футболшы Премьер-лигадағы өзге клубтардың назарына іліккен:

«Мен жай ғана өзіме тиімсіз жерге келіп қалдым – мұндай жағдай футболда болып тұрады. Қазір басқа клубтармен келіссөз жүргізіп жатырмыз, дегенмен басшылықтағы өзгерістерге байланысты ортақ мәмілеге келу оңай емес», – деп растады футболшының өзі.

Жазда қостанайлық клуб Девенсті Литваның «Трансинвест» командасынан алған еді. Трансфер құны 120 мың еуроға бағаланған. Бұған дейін ол Литвада «Бабрунгас» пен «Дайнава» клубтарының намысын қорғаған.

«Тобыл» сапында Девенс Кубок иегері атанып, чемпионаттың қола жүлдесін жеңіп алды. Қостанайлық клубта 9 матчқа (441 минут) қатысып, 1 гол соқты, 2 нәтижелі пас берді.