«Ақтөбенің» экс-бапкері Парфенов: Қазақстан Каррераны таң қалдырады

«Ақтөбенің» бұрынғы бапкері Дмитрий Парфенов «ақ-қызылдарды» Массимо Каррераның тізгіндеу мүмкіндігіне қатысты пікірімен бөлісті.

«Қазір Каррера «Ақтөбе» үшін қаншалықты қолайлы нұсқа екенін айту қиын, бастысы нәтиже көрсету қажет. Егер бәрі қарапайым болса, басшылық ойланбастан шешім қабылдаған болар еді. Бірақ ол клубқа белгілі бір эмоциялар алып келеді. Массимо «Спартакты» чемпион етті. Одан кейінгі көрсеткіштерге қарамастан, олар чемпиондыққа лайық болды.

Ол Қазақстандағы логистикаға таң қала ма? Ақтөбеге келгенімде мен де бұл туралы білдім. Мәселе мынада: егер сіз ұсынысты қабылдасаңыз, онда бәрін өлшеп, барлық нюанстарды ескеруіңіз керек. Әрине, кейбір нәрселер Каррераны таң қалдырады, олай болса келісім-шартқа қол қоймаңыз (күлді), - деді Парфенов BorodAbata.kz сайтына берген сұхбатында.

БАҚ-тың хабарлауынша, Премьер-Лигада үшінші орында келе жатқан «Ақтөбеге» италиялық жаттықтырушының кандидатурасы ұсынылған. 2016/17 жылғы маусымда Каррера «Спартакпен» бірге РПЛ чемпионы атанды. Өткен маусымда оның жаттықтырған «Асколи» командасы В сериясынан ұшып кетті.