«Елімай» футболшысы «Ақтөбеге» ұсынылды

Семейлік «Елімай» командасының жартылай қорғаушысы және көшбасшыларының бірі Никита Корзун жаңа команда іздестіруде, деп хабарлайды BorodAbata.kz.

Тәжірибелі футболшы еурокубок қарсаңында алаң ортасын күшейтуді жоспарлап отырған «Ақтөбеге» ұсынылған. «Ақ-қызылдар» биыл Қазақстан біріншілігінде де чемпиондыққа таласуды жоспарлап отыр.

Бұған дейін Корзунның агенттері «Қайратпен» сөйлесіп көрді, бірақ алматылық командаға бұл позицияда ойнайтын футболшы керек болмады.

30 жастағы Корзун былтырдан бері «Елимай» сапында өнер көрсетіп жүр. Өткен маусымда Қазақстан чемпионатында жеті гол соқты. Ал осы маусымда бір гол соғып, бір нәтижелі пас берді.

Жазғы трансферлік терезеде Елимай легионерлердің көпшілігімен қоштасып, қазақстандықтарға арқа сүйейтінін қосамыз.