Цотне Мосиашвили – «Ордабасының» КЛ-дағы матчы жайлы: мүмкіндік 50/50

Қостанайлық «Тобылдың» грузиялық жартылай қорғаушысы Цотне Мосиашвили BorodAbata.kz тілшісі Әлім Динасыловқа берген сұхбатында Конференция лигасының бірінші іріктеу кезеңіндегі «Ордабасы» мен «Торпедо Кутаиси» (Грузия) арасындағы ойын туралы пікірімен бөлісті.

«Менің ойымша, қос команданың мүмкіндігі 50/50. «Торпедода» жоғары деңгейлі ойыншылар бар, бірақ олар чемпионатта тұрақты түрде ойнай алмай жүр. «Ордабасы» маусымды нашар бастады, бірақ қазір бабында. Менің ойымша, бұл шиеленіске толы және қызықты матч болады, мұнда кімнің келесі кезеңге өтетінін бір гол шешеді», – деді Мосиашвили.

Командалар арасындағы алғашқы ойын 10 шілдеде Кутаисиде, қарымта матч 17 шілдеде Шымкентте өтеді.