Чилилік футболшы – «Қайсардың» жаңа ойыншысы жайлы: ол Қазақстанда жетістікке жетеді

Чилилік «Копьяпо» клубының қорғаушысы Джон Сантандер ASnews.kz сайтына берген сұхбатында Томас Джонстың «Қайсарға» ауысуына қатысты пікір білдірді.

«Оның Қызылорда клубын күшейтетініне күмәнім жоқ. Томас алаңның соңғы, яғни үшінші бөлігінде шабуылды керемет түйіндейді. Ол жылдам, техникалық тұрғыдан мықты және ойынға деген ерекше көзқарасы бар. Мен оған сәттілік тілеймін», – деді Сантандер.

Бұрынғы командаласының айтуынша, 28 жастағы шабуылшы ҚПЛ-да мыңызды ойыншыға айнала алады:

«Біздің отбасымызбен жақсы араласамыз, сондықтан мен оның жанұясы толықтай қолдау көрсететінін және жақсы жетістіктерге жетуге көмектесетінін білемін. Томас Чили чемпионатының ең үздік ойыншысы болды және мен оның енді шетелде осындай мүмкіндігі бар екеніне қуаныштымын. Ол жітстікке жетеді», – деп қосты ол.

«Қайсардың» су жаңа ойыншысы өткен маусымда «Копьяпо» үшін 34 матч өткізіп, 14 гол соқты, 3 нәтижелі пас берді.

Джонс бұрын Чилидің «Барнечеа», «Санта-Крус» және «Магальянес» клубтарында ойнаған. Сондай-ақ елінің 20 жасқа дейінгі құрамасына шақырту алған.