ПСЖ-ның экс-шабуылшысы Чесноков жайлы: Англиядағыдай ойнайтын болады

ПСЖ мен шотландиялық «Хибернианның» бұрынғы шабуылшысы Франк Джа Джедже ASnews.kz сайтына берген сұхбатында «Хартсқа» ауысқан Ислам Чесноковқа бірнеше кеңес берді.

«Чесноков Шотландия чемпионаты мен Чемпионшиптің деңгейі шамалас екенін есте сақтауы керек. Онда физикалық дайындық үлкен рөл атқарады, ал бұл лиганың деңгейі ҚПЛ-дан жоғары», – деді ивуарлық футболшы.

Джедже Шотландияда шынымен де маңызды матчтар өтетінін атап өтті:

«Хартстың» «Хибернианға» қарсы дербиі бар: екеуі де бір қаладан, сондықтан олардың арасында бәсекелестік бар. Жергілікті жанкүйерлер нәтижеге қарамастан қызу қолдау көрсетеді».

39 жастағы Джа Джедже қазақстандық «Ертіс» және «Кайсар» клубтарында ойнады. «Пари Сен-Жермен» түлегі Премьер-лигадағы 43 матчта тоғыз нәтижелі әрекетпен көзге түсті.