Мулич – «Елімайдан» кетуі туралы: бұл шешімді өзім қабылдадым

«Елімайдың» экс-шабуылшысы Фейсал Мулич BorodAbata.kz сайтына берген сұхбатында клубтан кету себебін түсіндірді.

– Қазақстанда сізді ештеңе таңқалдырмады ма?

– Білесің бе, мен кәсіби футболшымын. Тәртіпке қатты қараймын, мұны жаттығуда көрсеттім. ҚПЛ-ға келмес бұрын мен мұнда кейде жалақының уақытылы берілмейтінін білетінмін, сондықтан басшылықтан осыған байланысты барлығының дұрыс жүргізілуін қадағалауды сұрадым. Бірақ жағдай басқаша өрбіді.

Оның үстіне, отбасыма оралуым керек болды. Әйелім жүкті болғандықтан Қазақстанға келе алмады. Ал қазір мен әке атандым.

– Сізден кейін Эдуард Флореску клубтан кетті. Қалай ойлайсыз, румыниялық футболшының ҚПЛ-да неге жолы болмады?

– Оның кетуі мен үшін жұмбақ. Өз басым клубтан кету туралы шешімді директормен болған әңгімеден кейін қабылдадым, бірақ Эдуардқа не болғанын білмеймін. «Елімаймен» қоштасады деп ойлаған да жоқпын, мен де мұны жаңалықтардан естідім. Ол WhatsApp чатында соңғы хабарламасын қалдырып, клубтан кетіп қалды. Флореску - өте креативті және техникасы мығым жартылай қорғаушы, бірақ бапкер қазір команданың ойынына басқаша қарайтын шығар.

– Түсінікті болсын: сонда сіз келісім-шартты бұзу туралы ұсынысты өзіңіз айттыңыз ба?

– Иә, әрине. Мен олардан келісімшартты бұзып, мені босатуын өтіндім.

«Елімайға» осы маусымның басында қосылған сербиялық шабуылшы 31 мамырда командадан кетті. Бойы 2 метрді құрайтын футболшы семейлік клуб сапында 9 матчқа қатысып, 3 гол соқты.