«Ордабасы» шетелдік ойыншыға бонусты молынан берген: фото мен сома жарияланды

ASnews.kz порталына Кабо-Верде футболшысы Жоао Паулиньо мен «Ордабасы» ФК арасында 1 шілде күні жасалған келісімшарт құжаттары келіп түсті.

Бізге жеткен дерекке сәйкес, клуб ойыншыға ай сайын 5 422 222 теңге (салықты есептегенде 4 880 000 теңге) жалақы төлеген. «Ордабасы» аталмыш келісімшартқа бонустар қосқан, соның ішінде пайдаланылмаған демалыс күндері үшін 16 733 333 теңге (салықты есептегенде 15 060 000 теңге) көлемінде өтемақы тағайындап, оны осы жылдың 31 тамызына дейін төлеуі тиіс болған.

Құжат екі тілде – ағылшын және орыс тілдерінде жазылған және оған екі тарап та қол қойған: клуб президенті Асхат Сейсембек және ойыншының өзі. Құжаттың ағылшын тіліндегі нұсқасында «Ордабасы» командасының бұрынғы басшысы Бауыржан Абдубаитов президент ретінде көрсетілген.

Бұған дейін Паулиньоның агенті Педро Морейра ASnews.kz сайтына Ордабасы басшылығының ерекше жұмыс тәсілдері туралы айтқан болатын. Бірақ ойыншы мен техникалық директор португалиялық агенттің сөздерін жоққа шығарды.