«Ордабасы» ФК – португалиялық агенттің мәлімдемесі жайында: клуб бұл жағдайға қатысты пікір білдірді

«Ордабасы» футбол клубының техникалық директоры Музаффар Абдулсатаров футбол агенті Педро Морейраның ASnews.kz сайтына берген мәлімдемесіне қатысты пікір білдіруден бас тартты.

«Сұхбатты тек баспасөз қызметі арқылы ғана аласыз», - деді функционер.

Ал «Ордабасы» футбол клубының баспасөз қызметі ASnews.kz сайтына былай деді:

«Бұл жағдайға қатысты біздің ресми сайтта түсініктеме берілді, ойыншының өзі де бұл туралы пікірін білдірді. Басқа ештеңе қосудың қажеті жоқ. Агенттің жағдайына қатысты мен ештеңе айта алмаймын; бұл туралы айтуға құқығымыз жоқ және бұл клубтың айналысатын ісі емес. Егер басқа сұрақтар болса, біз сізден оларды мәтіндік форматта жіберуіңізді сұраймыз».

Күні кеше шымкенттік клубтың легионері Жоао Паулиньоның агенті Педро Морейра келісімшартты ұзарту кезінде «Ордабасы» басшыларының ақша талап еткенін айтқан еді.