Алюетов: Чесноков еркіндікті қалайды, сол себепті де «Қайратқа» ауыспады

Қазақстандық жас бапкер Ринат Алюетов YouTube-тағы BorodAbata арнасына берген сұхбатында Ислам Чесноковқа «Қайраттан» ұсыныс түскенін және футболшының оны неліктен қабылдамағанын айтып берді.

– Алматылық «Қайрат» еліміздің әр өңірінен талантты футболшыларды жинайды. Естуімше, олар Исламға да хабарласқан екен.

– Иә, сондай кез болды. Мен сол кезде Чесноковтың бірінші бапкері Владимир Гавриловпен сөйлестім және Исламның өзінен бұл туралы сұрадық. Ол «мен әлі дайын емеспін, үйден кеткім келмейді, осы жерде өсемін» деп жауап берді.

Біз оған матч кезінде еркіндік береміз. Алаңға шыққан кезде өз білгенімен ойнағысы келеді. Оған былай ойна деп тапсырма берсек, бізге жүігіріп келіп: «бапкер, мен футболды басқаша көріп отырмын, маған еркіндік беріңізші» деп айтады. Демек, ол басқаша ойланады. Оны шектеп қоюға болмайды. Сол себепті де «Қайратқа» ауыспаған секілді.

Алматылық клубта сол кезде Голландиядан келген бір бапкер жұмыс істеді. Ол тек тәртіппен, белгілі бір ережемен ойнауды қалайды. Мүмкін содан қорыққан шығар.