«Ақтөбенің» экс-бапкері: Басқа елде өзіңді бөтен сезінесің

«Ақтөбенің» бұрынғы бапкері Алексей Бага Қазақстандағы жұмысын еске түсірді.

«Жеңілісті әртүрлі етіп сипаттауға болады. Мен нақты ешкімді тұспалдаған жоқпын, өйткені Қазақстанда көп уақыт болған жоқпын, бірақ кез келген нәтижені өзіме ыңғайлы етіп жеткізе аламын. Мысалы үш жеңілістің өзін бапкердің пайдасына шешуге болады: «Ол әлі өз стилін іздеуде», «Өзіне оңтайлы құрамды табуы керек» немесе «Шыдамдылық танытайық» деген сылтаулармен.

Бұл Қазақстандағы таныстарымды арттырған үлкен тәжірибе болды, мен кінәлілерді іздемеймін. Бұл әлсіздіктің көрінісі немесе сылтау сияқты көрінеді. Бірақ, мен сол Әзірбайжан мен Ресейде сезінгенімдей, сырттан келсең, өзіңді бөтен сезінесің. Бірақ бұған дайын болуыңыз керек, себебі бұл барлық лигаларда болатын жағдай. Айналамдағы адамдардың барлығына тек жақсылық тілеймін», – деді Бага.

Беларусь маманы «Ақтөбені» 2021 жылы жаттықтырған болатын. Оның жетекшілігімен «ақ-қызылдар» 9 матчтың тек екеуінде жеңіске жетті. Бага Қазақстаннан бөлек, БАТЭ мен «Жальгирис» клубтарында жұмыс істеді.