Қашкен – «Лиондағы» қаралымы жайлы: Лукеба, Шеркилермен бірге доп тептім

25 жастағы қазақстандық қорғаушы Дінмұхаммед Қашкен ASnews.kz сайтына берген сұхбатында «Лион» академиясында қалай қарлымнан өткенін, қазіргі футболшылардан кімдердің болғанын айып берді.

– «Атлетикодан» кейін қайда бардың?

– «Атлетикодан» кейін «Астананың» дубліне қосылдым. Ол кезде команданы Василий Маруняк жаттықтырды. Ол РКС-те өзімен бірге болған футболшылардың барлығын алдыртты. 2016 жылдан бері сол жақта ойнадым. 

– «Лионға» қаралымға бардың ба?

– Иә, «Лионға» қаралымнан өту үшін бардым. Ол кезде «Жетісу Жастар» сапында ойнап жүрдім. «Лионның» U19 командасында қаралымнан өттім.

– Бұл қалай болды? «Лионда» болашағынан зор үміт күттіретін футболшылар ойнайды ғой.

– Мұны қатты қаламадым. Недегенмен ол жақтағы деңгей басқаша ғой. Бірақ әкем «барып көр, қаралым жайлы келісіп қойдым» дегеннен кейін бардым. Ерекше ештеңе байқаған жоқпын. Олармен бір деңгейде ойнадым. 19 жасқа дейінгі команданың ойыыншылары анау айтқандай мықты емес. Кастелло Лукеба (РБ Лейпциг), Райан Шерки (Манчестер Сити) секілді бірен-саран мықты футболшылар болды. Мен барған кезде маусымның аяқталуына екі апта қалған еді. Жастар чемпион атану үшін бір ойын өткізуі тиіс еді. 14-15 жаста болған Шерки ол кезде U19 құрамында жаттығып жүрді. Одан сол матчқа қатысуды сұрады. Құрамда қазір топ-клубтарда ойнап жүрген бір-екі футболшы болды.

Бұған дейін Қашкен «Атлетиконың» академиясында бір жыл ойнап, жарақатына байланысты елге қайтқанын айтқан болатын.