Қашкен – «Атлетико» академиясы туралы: ресми матчта ойнай алмадым

25 жастағы қазақстандық қорғаушы Дінмұхаммед Қашкен ASnews.kz сайтына берген сұхбатында «Атлетико» академиясында өткізген уақытын еске алды.

– «Атлетико» академиясында ойнау қанша болды?

– Тегін. Бәрі тегін болды.

– Яғни, қаралым болды, сен іріктеуден өттің...

– Иә, иә бәрі тегін болды.

– Сенімен бірге қазіргі танымал футболшылардан кім ойнады?

– Шынымды айтсам, есімдерін ұмытып қалдым. Бірақ бір-екі футболшы болды. Қателеспесем, Рикельме ойнады. Айтып тұрмын ғой, танымал ойыншылар көп болмады. Тек таңдаулылары ғана негізгі құрамға дейін жететін. Бірақ бұл өте қиын. 

– Жергілікті футболшылармен бәсекелестік деңгейі қалай болды?

– Бәсекелесу өте қиын болды. Бізде жаттығуда футболшының жасы сенен үлкен болса, оған қарсы жай ойнайсың ғой. Ал ол жақта ондай жоқ. Бір-бірімен күреске түсе береді. Бәсекелестік деңгейі де өте жоғары. Кім мықты, сол ойнайды.

– Испанияға өзің барғың келді ме әлде біреу айтты ма?

– Әрине, өзімнің қалауым. Оның үстіне, «Атлетико» деген клубтың академиясы. Ол жақтағы деңгей бөлек. Бірақ жас болғандықтан, мұны түсінбейсің. 

– Ол кезде қанша жаста едің?

– 13-14-15

– «Атлетикодан» кету туралы шешімді қашан қабылдадың?

– Бір жылдан кейін үйге қайттым. Өйткені ресми матчта ойнай алмадым. Құжаттарға байланысты қиындықтар болды. Тек жолдастық ойындарға қытысып жүрдім. Сондай матчтардың бірінде жарақат алып, содан кейін кетуге мәжбүр болдым. 

Қашкен бұған дейін «Қайсар», «Ақтөбе», «Шахтер», «Жальгирис» (Литва), «Хан-Тенгри», «Ұлытау» клубтарында доп тепті. Ал өткен маусымда «Жетісудың» намысын қорғады.