«Шахтер» қорғаушысы – жаңа маусымға қойылған мақсаттар жайлы: тезірек ҚПЛ-ға шыққымыз келеді

«Шахтер» командасының орталық қорғаушысы Тимур Рудосельский ASnews.kz тілшісіне берген сұхбатында қарағандылық ​​клубтың болашағы және ҚПЛ-ға шығу мүмкіндігі туралы айтты.

«Жаңа басшылықпен кездескеннен кейін осы жылға қатысты ортақ мәмілеге келдік. Мен «Шахтер» клубында ойнап жүргеніме қуаныштымын: командаға да, қалаға да бауыр басып қалдым. Отбасыммен бірге мұнда өзімізді жайлы сезінеміз, сондықтан клубтың ҚПЛ-ға шығуына көмектескім келеді. Біз бұған бар күшімізбен дайындалып жатырмыз», – деді капитан.

Қарағанды ​​клубы бірінші лига маусымында төртінші орын алып қалды. Рудосельский 12 ойынға қытысып, бір гол соқты.

30 жастағы қорғаушы маусымды «Жетісу» сапында бастаған еді. Оған дейін «Қайрат», «Оқжетпес», «Қайсар» және «Ақтөбе» клубтарында доп тепкен.