«Ақтөбе» ойыншыларының арасында қақтығыс орын алды

ҚПЛ 25-турындағы «Астанаға» қарсы ойынның бірінші таймында «Ақтөбе» қақпашысы Андрей Влад пен команда капитаны Әлібек Қасым арасында келіспеушілік туындады, деп хабарлайды ASnews.kz.

«Үзілісте өте келеңсіз жағдай орын алды. Бұл ойынға қатты әсер етті, сондықтан ауысымдар жасадық. Бізге команданың психологиялық жағдайын өзгерту керек болды», – деді Николай Костов матчтан кейінгі баспасөз мәслихатында.

Екінші тайм басталған сәтте «Ақтөбенің» бас бапкері Андрей Владтың орнына Игорь Трофимецті шығарды.

Бүгін «Астана» «Ақтөбені» 5:3 есебімен ұтып, чемпиондыққа деген интриганы сақтап қалды. Енді Қазақстан чемпионы 26 қазанда Алматыда өтетін «Қайрат» – «Астана» матчында анықталады.