«Ордабасы» бапкері Қазақстан кубогын жеңбесе, клубтан кетуі мүмкін

Молдовалық маман Андрей Мартин маусым аяқталған соң «Ордабасыдан» кетуі мүмкін, деп хабарлайды ASnews.kz.

Қазақстан Премьер-лигасының 24 турынан кейін шымкенттіктер көшбасшылардан жиырма ұпайға артта қалып, сегізінші орында келеді.

«Ордабасы» Қазақстан кубогының финалында «Тобылмен» кездеседі. Мартинді жеңіске жеткен жағдайда ғана өз орнын сақтап қала алады. Ойын бүгін, 4 қазан күні Қызылорда қаласындағы жаңа стадионда өтеді.

51 жастағы маман бұған дейін «Петрокуб» клубында жұмыс істеп, молдовалық клубты Конференция лигасының негізгі кезеңіне шығарды, сонымен қатар Молдова құрамасының жаттықтырушылар штабында еңбек еткен.