Ресейлік бапкер Самородовты «Қайраттың» бұрынғы ойыншысымен салыстырды

«Ахматтың» бұрынғы бас бапкері Сергей Ташуев «Қайрат» сапында үш жыл ойнаған Вадим Ульянов пен Максим Самородовты салыстырды.

«Вадик – Макстың антиподы, өйткені ол еңбек етіп, жоғары деңгейде өнер көрсете алатынын дәлелдеуге ұмтылатын адамдар санатынан. Оны бойындағы қасиеттеріне қарап алтын бала емес, алтын адам деп айтуға болады (күлді). Ульянов бәрін түсініп, талдау жасай алады.

Маған оның стиліндегі қақпашылар ұнайды: олар айтқанды тез ұғып, әрекет етеді. Мен жылдам футболды жақсы көремін, сондықтан барлығы көп жұмыс істеуі керек. Оның бойы тым қатты ұзын емес, бірақ өте епті және пенальтиді қайтарудың шебері», - деді Ташуев BorodAbata.kz сайтына берген сұхбатында.

Ульянов осы қыста «Ахматпен» келісімшартқа отырған болатын. Ресейлік клубта бес матчқа қатысып, тоғыз гол жіберіп алды.

Самородовқа келсек, ол 32 матчта сегіз гол соғып, төрт нәтижелі пас берген.