Италиялық комментатор «Аталантаның» «Қайратқа» қарсы ойындағы сәтсіздігінің себебін атады

Италиялық футбол комментаторы Паоло Паккьони RTL 102.5 радиостанциясының эфирінде Конференция лигасы жалпы кезеңінің үшінші туры аясындағы бергамолық «Аталанта» мен алматылық «Қайрат» арасындағы матчтың (1:1) нәтижесі туралы пікір білдірді, деп хабарлайды ASnews.kz.

«Аталантада» салмақты сылтау бар – құрамдағы көптеген жарақаттар. Бірақ мұндай жағдайдың өзінде команда бұдан да жақсы ойнай алар еді. Бергамаскіліктер көңіл-күйлерін көтеріп, турнирлік жағдайын түзеу үшін жеңіске жеткісі келді... Дегенмен «Қайратпен» өз алаңындағы тең ойынды қанағат етті», – деді сарапшы.

Айта кетейік, Конференция лигасы 2026/27 маусымының жалпы кезеңіндегі үшінші тур аясындағы «Аталанта» – «Қайрат» матчы 5 қарашада Бергамода өтіп, 1:1 есебімен аяқталды. Алматылық клуб сапында 53-минутта Марк Гуаль есеп ашса, бергамаскіліктерден 82-минутта Никола Крстович мергендік танытты. Еурокубоктық турнирдегі келесі матчын «Қайрат» 26 қарашада өз алаңында швециялық «Мьёльбюге» қарсы өткізеді.