Екеуі де алғашқы бестікте: Покатилов пен Анарбеков – еурокубоктегі үздік қақпашылардың қатарында

«Сабах» сапында өнер көрсететін Стас Покатилов пен «Қайрат» қақпашысы Темірлан Анарбеков сейв жасау көрсеткіші бойынша Чемпиондар лигасы мен Конференция лигасындағы үздік голкиперлердің қатарында тұр, деп хабарлайды ASnews.kz.

Әзербайжандық клубтың қақпашысы Чемпиондар лигасының төрт матчында 22 сейв жасап, Ян Зоммерден (27 сейв) кейінгі екінші орында тұр. Диогу Кошта (19 сейв), Тибо Куртуа (19 сейв), Зион Судзуки (19 сейв) секілді мықты қақпашылар одан кейінгі орындарға жайғасқан. Покатиловтың жоғарыда аталған қақпашылардан артықшылығы – бір мәрте пенальти қайтарған.

Ал Темірлан Анарбеков Конференция лигасының үш матчында 14 мәрте қақпасын голдан құтқарып, бесінші орынға табан тіреді. Оның алдында Йоханнес Крайдль (18 сейв), Федор Лапоухов (16 сейв), Радослав Маецки (16 сейв) және Хави Диас (16 сейв) тұр.

SofaScore порталы «Қайрат» қақпашысының «Аталантаға» қарсы ойынына 8,5 балл беріп, матчтағы үздік ойыншылардың бірі ретінде таңдады.