«Сабах» капитаны Стас Покатилов «МЮ-ге» қарсы матч үшін алған бағасын білді

Қазақстан ұлттық құрамасының қақпашысы Стас Покатилов УЕФА Чемпиондар лигасының жалпы кезеңіндегі алғашқы матчын өткізді. Қазақстандық қақпашы капитандық таңғышпен бастап шыққан әзербайжандық «Сабах» сырт алаңда ағылшындық «Манчестер Юнайтедке» 0:4 есебімен жол берді, деп хабарлайды ASnews.kz.

«Олд Траффорд» қожайындары 27-минутта Матеус Куньяның соққан голының арқасында алға шықты. Үзіліске сәл қалғанда манкуниандықтар тағы екі рет көзге түсіп, жеңімпазға қатысты мәселені шешіп тастады: Бруну Фернандеш пен Беньямин Шешко мергендік танытты. Матчтағы соңғы нүктені 68-минутта аргентиналық қорғаушы Лисандро Мартинес қойды.

Кездесу қорытындысы бойынша Покатилов Flashscore порталынан 5.6 балл алды, ал «Сабах» ойыншыларының орташа балы 6.2 құрады. 90 минуттық ойын уақытында қазақстандық қақпашы бес сейв жасап, пастарының дәлдігі 74%-ды көрсетті. Сонымен қатар, қақпашы ең жоғары жылдамдығын сағатына 18.28 шақырымға жеткізіп, 5.41 шақырым қашықтықты жүгіріп өтті.

Матчтары 13 қазанға жоспарланған Чемпиондар лигасының жалпы кезеңінің екінші турында «Сабах» прагалық «Славиямен» кездеседі. Өз кезегінде «Манчестер Юнайтед» дәл осы күні мадридтік «Атлетикоға» қарсы ойнайды.

«Шахтер» еуропалық клубтардың бұрынғы ойыншысымен келіссөздер жүргізуде