«Қайрат» көшбасшысы жарақат себебінен «Андерлехтке» қарсы Еуропа лигасы ойындарында алаңға шықпайды

«Қайрат» пен Беларусь құрамасының орталық қорғаушысы Александр Мартынович тамыз айының соңына дейін қатардан шықты, деп хабарлайды ASnews.kz.

Алматылық клубтың капитаны бельгиялық «Андерлехтке» қарсы Еуропа лигасы іріктеуінің плей-офф кездесулерін өткізіп алуы мүмкін. Дереккөз мәліметінше, беларусьтік қорғаушы өкпесін қабындырып (пневмония) алған:

«Саша ауырып қалды – үш күн бойы дене қызуы түспей қойды. Сондықтан емделу үшін Алматыда қалды», – деп түсіндірді Рафаэль Уразбахтин «Левскиге» қарсы соңғы ойынның (0:1) өтінімінде футболшының неге жоқ болғанын.

Еске сала кетейік, «Андерлехтке» қарсы алғашқы матч 20 тамызда Қазақстанда өтеді. Қарымта кездесу – бір аптадан кейін Бельгияда.

38 жастағы ойыншы ағымдағы маусымда 22 матчқа қатысып, екі гол соқты. Футболшының трансферлік құны 225 мың еуроға бағаланады.

«Ақтөбенің» экс-шабуылшысы «Қайратқа» ауысуы мүмкін: толығырақ