«Партизан» бапкері «Тобылдың» қысымын бағалады: олармен психологиялық тұрғыда қиын болды

«Партизанның» бас бапкері Саша Илич ASnews.kz сайтына берген сұхбатында Конференция лигасының үшінші іріктеу кезеңіндегі «Тобылға» қарсы қарымта матчты (2:1) қорытындылады.

Басында «Тобыл» қысым көрсетті: сербиялықтар толқып кетті ме?

«Физикалық тұрғыда ешқандай қиындық көргеніміз жоқ – тек психологиялық жағынан сәл ауыр болды, бұл алғашқы 20 минутта байқалды. Бағымызға орай, екінші таймда көптеген жақсы мүмкіндіктер жасадық. Бұл жеңіс «Хетафеге» қарсы кездесу алдында сенімділік береді, сондай-ақ ұлттық коэффициентке де өз әсерін тигізеді».

18 соққы – екі гол: соңғы фазада бірдеңе дұрыс болмай жатыр ма?

«Ең бастысы – мүмкіндіктер болды. Иә, кейде оларды пайдалана алмай жатамыз, бірақ менің өз футболшыларыма ешқандай өкпем жоқ», – деді 48 жастағы маман.

«Тобылды» жеңгеннен кейін (жалпы есеп – 5:1) «Партизан» іріктеудің плей-офф кезеңінде испаниялық «Хетафемен» кездеседі. Осы трансферлік терезеде Ла Лига клубы 19,5 млн еуроға 11 футболшы сатып алды.

Барлық турнирден шығып қалған қостанайлық команда енді бар күшін ҚПЛ-ға бағыттайды, онда клуб қазір 11-орында келеді.

Ван ’т Схип пен Манн «Тобылдың» Конференция лигасындағы «Партизанға» қарсы матчына барды