Ван ’т Схип пен Манн «Тобылдың» Конференция лигасындағы «Партизанға» қарсы матчына барды

Қазақстан ұлттық құрамасының бас бапкері Джон ван ’т Схип өзінің көмекшісі Скотт Маннмен бірге Конференция лигасының үшінші іріктеу кезеңі аясындағы қостанайлық «Тобыл» мен белградтық «Партизан» арасындағы қарымта кездесуді стадионнан тамашалап отыр, деп хабарлайды ASnews.kz.

Материал жарияланған сәтте Ислам Чесноков соққан голдың арқасында қостанайлықтар 1:0 есебімен алда келеді. Еске сала кетейік, Белградтағы алғашқы кездесу сербиялық клубтың 3:0 есебіндегі жеңісімен аяқталған болатын.

Нидерландылық маман үшін бұл Қазақстан құрамасының бас бапкері ретінде трибунадан тікелей тамашалаған төртінші ойыны. Бұған дейін Ван ’т Схип Талдықорғандағы ЖҚЛ-дың 21-турындағы «Жетісу»—«Ордабасы» (0:4) және «Астана»—«Оқжетпес» (2:1) кездесулеріне, сондай-ақ екі күн бұрын Түркістанда өткен Чемпиондар лигасының қарымта матчы «Қайрат»—«Левски» (0:1) ойынына барған еді.

Қыркүйек айында Ван ’т Схиптің басшылығымен Қазақстан құрамасы Ұлттар лигасының 2026/27 маусымындағы өнерін бастайды. Аталған жарыста ұлттық команда Словакия, Фарер аралдары және Молдова құрамаларымен бір топта өнер көрсетеді.

«Әрдайым ұлттық құрамада ойнауға дайынмын»: Покатилов – командаға шақырылуы туралы