«Астана» капитаны – «Динамо Ситиге» қарсы матч туралы: 100% дайынбыз және жеңіс үшін барымызды саламыз

Елордалық «Астананың» капитаны Абзал Бейсебеков Конференция лигасының іріктеу кезеңі аясында албаниялық «Динамо Ситиге» қарсы қарымта кездесуден не күтетінін айтты, деп хабарлайды ASnews.kz.

«Ертеңгі ойынға 100% дайынбыз, қолымыздан келгенше бар күшімізді салып, «Астана» үшін, Қазақстан үшін жеңіске жетуге тырысамыз. Соңғы ойындардың бәрін осындай ыстық ауа-райында ойнап жатырмыз, бірақ бұл біз үшін қатты қиыншылық тудырмайды.

Дайындық өте керемет, «Динамо Ситидің» ойынын біраз зерттедік. Орта арқылы ойнауды жақсы көретін команда. Қателіктерімізді түсініп, Құдай қаласа, өз алаңымызда ұтамыз», – деді Бейсебеков.

Тиранада өткен алғашқы кездесуде қазақстандық ұжым 1:0 есебімен жеңіске жеткен болатын.