Сорокин «Олимпиакоспен» болған матч туралы: ойын ырғағын жоғалттық

«Қайрат» қорғаушысы Егор Сорокин Чемпиондар лигасының алтыншы турында «Олимпиакостан» (0:1) жеңілу себептерін талдап, ойын ырғағының жоғалуын атап өтті, деп хабарлайды ASnews.kz.

«Шабуылда ойынымыз онша үйлеспеді. Неліктен олай болды? Ашық айту қиын. «Олимпиакос» жоғары деңгейде ойнады, бапкерлер штабы бізден көбірек аймақтарда ойнап, сол жерде мүмкіндіктер жасауды сұрады. Қолымызда болған мүмкіндіктерді толық пайдалана алмадық. Бастаманы алуға тырыстық, кейде сәтті шықты, кейде шықпады. Қалай жақсы әрекет ету керектігін түсінуде сапа жетіспеді.

Ойын ырғағы ма? Жеке пікірімше, оны біз жоғалтып алдық. Қазақстан чемпионатының маусымы аяқталғаннан кейін ойындар арасындағы үзілістер тым үлкен болып кетті. Шынымды айтсам, бұл оңай емес. Дегенмен, бұл біздің міндетіміз, бүкіл матчқа физикалық тұрғы бойынша дайын болу үшін барынша дұрыс жаттығуға тырысамыз», – деді Сорокин.

«Қайрат» Чемпиондар лигасының жалпы кезеңінің алтыншы турында «Олимпиакосқа» 0:1 есебімен жеңілді. Жалғыз голды 73-минутта Желсон Мартинш соқты. Бұл «Олимпиакостың» аталған турнирдегі алғашқы жеңісі болса, «Қайрат» үшін – бесінші жеңіліс. Қазақстандық клубты қаңтар айында екі қорытынды матч күтіп тұр: 20-ында өз алаңында бельгиялық «Брюггемен» және 29-ында Лондонда «Арсеналмен» кездеседі.

Бұған дейін Жоржиньо команданың өз алаңында ойнамағандай сезінгенін мәлімдеген болатын.