Медведев – «Қайраттың» ЧЛ-на шығу жайлы: Еуропа енді Қазақстан туралы біледі

«Слован Братислава» клубының қорғаушысы Юрий Медведев ASnews.kz тілшісіне берген сұхбатында Қазақстан футболы мен «Қайраттың» Чемпиондар лигасындағы жетістігі туралы пікір білдірді.

– Бүгінгі Қазақстан футболының деңгейін қалай бағалайсыз?

– Қазақстан футболы шынымен де дамып келеді. Ал оның басты дәлелі «Қайраттың» Чемпиондар лигасының негізгі кезеңіне жетуі деп білемін. Еуропа енді Қазақстан туралы біледі – бұл өте маңызды. «Слован» іріктеу кезеңінде «Қайратпен» ойнады, алматылықтар бізді қапы қалдырды. Олардың жеңісінің кілті тәртіпке негізделген ойын мен тарих жазуға деген зор ынтасы болды. Жарайсыңдар.

– «Қайраттың» жетістігін қысқаша қалай сипаттар едіңіз?

– Сәттілік. Тамаша ойыншылар. Потенциал.

Қазақстанда дүниеге келген Юрий Медведев бала кезінен ата-анасымен бірге Чехияда тұрды. Халықаралық деңгейде қорғаушы Чехияның U-19 құрамасында екі ойын өткізген.

Бұған дейін футболшы жарақатынан айыққаны туралы айтып, жақын арадағы жоспарлары туралы ойымен бөліскен болатын.