«Бернли»—«Мидлсбро»: Дастан Сәтпаевтің Чемпионшиптегі келесі матчы қайда және қашан өтеді

Англия Чемпионшипінің төртінші туры аясында 18 жастағы қазақстандық шабуылшы Дастан Сәтпаев өнер көрсететін «Бернли» өз алаңы «Тёрф Мурда» «Мидлсбро» клубын қабылдайды.

Кездесу кыркүйектің 2-сінен 3-іне қараған түні өтеді және Қазақстан уақытымен сағат 00:00-де (жергілікті уақытпен 20:00-де) басталады, деп хабарлайды ASnews.kz.

18 жастағы қазақстандық шабуылшы англиялық «Бернли» сапында лондондық «Челсиден» жалға алу құқығымен өнер көрсетеді. Сәтпаевтің Чемпионшиптегі дебюті екінші турда «Вест Бромвичке» (1:3) қарсы кездесуде өтіп, ол екінші таймда алаңға ауысып шықты. Шабуылшының негізгі құрамдағы алғашқы ойыны Лига кубогындағы «Брэдфорд Ситиге» (0:0, пен. 2:4) қарсы матчқа тұс келді, онда ол ойынның басым бөлігін алаңда өткізіп, қанатта белсенділігімен көзге түсті.

Ал үшінші турда «Норвичке» (1:4) қарсы кездесуде Сәтпаев толық 90 минут бойы өнер көрсетті. Flashscore сараптамалық порталының нұсқасы бойынша қазақстандық футболшы 7.5 деген бағамен «Бернли» сапындағы ең үздік ойыншы атанды – ол қарсылас қақпасына үш соққы бағыттап, төрт сәтті алдап өту жасады және үш суырып шығарар (шешуші) пас берді.

«Команданың үздігі»: Burnley Express сарапшысы – Дастан Сәтпаевтың Англиядағы феномені туралы