«Челсидің» инстаграмындағы қолдауды көрдім»: Дастан Сәтпаевтың «Бернлидегі» алғашқы толық сұхбаты

Англиялық «Бернли» Қазақстан құрамасының шабуылшысы Дастан Сәтпаевтың клубтағы алғашқы видеосұхбатын ұсынды. Форвард жаңа ұжымға бейімделуі, бас бапкермен қарым-қатынасы және отандық жанкүйерлердің қолдауы туралы айтып берді, деп хабарлайды ASnews.kz.

Жаңа ұжым және бейімделу туралы

«Барлығы өте жақсы. Командадағы жігіттер өте жылы қарсы алды. Көмек қажет пе деп үнемі сұрап тұрады. Осында болғаныма және клубтың бір бөлігі атанғаныма өте қуаныштымын!

Жалға ауысу – мен үшін дұрыс әрі жақсы қадам. Чемпионшипте бағымды сынап, ағылшын футболына бейімделуге мүмкіндік аламын. «Бернли» фанаттарының менің ауысқаныма қуанғаны ұнайды. Енді өзіме де, оларға да команданы премьер-лигаға шығаруға көмектесе алатынымды дәлелдеуім керек».

Бас бапкер мен тығыз кесте туралы

«Бапкермен арада өте жақсы байланыс бар. Ники Хайен менің осында жүргеніме қуанышты. Бапкердің саған сенім артқаны өте маңызды. Маған әрі қарай да аянбай еңбек етіп, өзгеріп, дами түсу керек.

Чемпионшипте 46 турдың болғаны керемет. Әр 3-4 күн сайын матч өтетіні футболшылар үшін де тиімді. Қазір Бернлиден пәтер іздеп жатырмын. Тұрғын үй мәселесін шешіп алған соң, отбасымды Лондонға шақыруды жоспарлап отырмын».

Дебютке дайындық пен жанкүйерлерге алғыс

«Алғашқы ойынымды асыға күтіп жүрмін! Апта бойы осы матч үшін жаттығып жатырмыз. «Вест Бромвичпен» өтетін кездесуде үш ұпай еншілегіміз келеді. Сіздердің қолдауларыңызбен бұл матчта жеңіске жететінімізге күмәнім жоқ.

Қолдау білдірген барша отандастарыма үлкен алғыс! «Челсимен» бірге маусым алдындағы дайындықта қазақстандықтардың әр матчта және әр жазбаның астында қолдау көрсеткенін көрдім. Өз елімді жақсы көрмеу мүмкін емес. Мен біздің де еуропалық футболда жеңіске жете алатынымызды дәлелдегім келеді!»

Дастан Сәтпаев – Қазақстан құрамасы тарихындағы ең жас ойыншы әрі гол авторы. Сондай-ақ ол «Копенгагенге» соққан добының арқасында Чемпиондар лигасы тарихындағы ең жас үшінші гол авторы атанған болатын.

Сәтпаевтың «Бернли» сапындағы алғашқы ресми матчы 23 тамыз күні Чемпионшиптің екінші туры аясында «Вест Бромвич Альбионға» қарсы өтуі мүмкін.

«Ғажайып трансфер»: әйгілі британдық сарапшы Сәтпаевтың «Бернлиге» ауысуын бағалады

«Бернли»: клуб туралы ақпарат, тарихы, стадионы, бапкері. Дастан Сәтпаев қайда кетті?