Матч орталығы
Дастан Сәтпаев оңалтудан өту үшін «Челсиге» оралды
20 қараша, 20:05

Фото: Дастан Сәтпаев
Англиялық «Бернли» клубының бас бапкері Фабио Челестини «Блэкберн Роверске» қарсы дерби қарсаңында қазақстандық шабуылшы Дастан Сәтпаевтың қазіргі жағдайы туралы айтып берді, деп хабарлайды ASnews.kz.
Швейцариялық маманның сөзінше, 18 жастағы форвард қазіргі уақытта ойыншының құқығы тиесілі лондондық «Челси» клубының орналасқан жерінде және санның артқы бұлшықетінің кезекті жарақатынан кейін оңалту курсынан өтіп жатыр.
«Дастан қазір «Челсиде», біз оны сәл күтіп отырмыз. Ол лондондық клубтың базасында оңалтудан өтуде», – деп Челестинидің сөзін келтіреді Burnley Express.
«Бернлидің» тәлімгері қазақстандық футболшының қатарға қашан оралатыны әзірге белгісіз екенін де атап өтті.
Еске сала кетейік, «Бернлиге» жалға ауысқан сәттен бастап Дастан Сәтпаев мүмкін болған 16 матчтың жетеуіне ғана қатысты. Алдағы жексенбі, 22 қараша күні «Бернли» «Блэкберн Роверске» қарсы маңызды матч өткізеді.
Андрей Мартин: «Ордабасыдан» кеткеннен кейін үзіліс алмаймын
Әлім Динасылов