Матч орталығы
Андрей Мартин: «Ордабасыдан» кеткеннен кейін үзіліс алмаймын
20 қараша, 13:44

Фото: Андрей Мартин
«Ордабасының» бұрынғы бас бапкері Андрей Мартин ASnews.kz сайтына берген сұхбатында жақын арада жұмысқа оралуға дайын екенін мойындады.
«Шымкенттегі тәжірибеден кейін үзіліс алуды жоспарлаған жоқпын – бәрі ұсыныстарға байланысты. Еуропаға басымдық беремін деп айтуға бола ма? Шын мәнінде, менің басты басымдығым – ең алдымен қызықты әрі амбициялық жоба», – деді 52 жастағы маман.
Еске сала кетейік, Андрей Мартин екі жылдық жұмыстан кейін «Ордабасының» бас бапкері қызметінен кетті. Оның жетекшілігімен шымкенттік команда 69 матч өткізіп, 39 жеңіске жетті, сондай-ақ «алтын дубль» жасады.
БАҚ мәліметінше, молдовалық маман ҚПЛ-дың басқа клубын тізгіндеуі мүмкін. Бұған дейін ол «Дачия» мен «Петрокуб» клубтарын жаттықтырған.
Чемпиондық пен Кубок та көндірмеді: Андрей Мартин «Ордабасыда» не істеп үлгерді
Әлишер Аманжол