«Кубоның «Реал Сосьедадқа» ауысуы сияқты»: испандық сарапшы Сәтпаев айналасындағы бумды бағалады

«Реал Сосьедад» жаңалықтарын тарататын Oneclub1909 тәуелсіз медиа-ресурсының журналисі Айтор ASnews.kz сайтына берген сұхбатында қазақстандық шабуылшы Дастан Сәтпаевтың «Челси» мен «Бернлиге» ауысуы төңірегіндегі ажиотажды жапондық жұлдыз Такефуса Кубоның трансферімен салыстырды.

«Бұл жағдайды Кубоның «Реал Сосьедадқа» ауысуымен толықтай салыстыруға болады. Баскілер елі – шағын аймақ, бұған дейін біз стадиондарымызда жапондықтарды ешқашан көрген емеспіз. Ал Кубо келген бойда, әр демалыс сайын: «Кубо, Кубо, Кубо, жапондықтар, жапондықтар!» басталды да кетті. Тек оның соңынан түсіру үшін Жапониядан 3–4 журналист арнайы келіп, соңынан қалмай жүрді. Нағыз ақылға сыймайтын нәрсе!

Соңғы жылдары футболдағы жаһандану таңғажайып серпіліске айналды, бірақ бұл өте керемет, біз бұдан үлкен ләззат аламыз», – деді Айтор.

Әңгіме барысында сарапшы мұндай трансферлердің мәдени алмасуға септігін тигізетінін атап өтті: баскіліктер жапон мәдениеті туралы көбірек білсе, Сатпаевтың ауысуы арқылы ағылшын жанкүйерлері де Қазақстанмен жақынырақ танысуға мүмкіндік алды.

Дастан Сәтпаев «Челсиге» ауысқаннан кейін лондондық клубтың әлеуметтік желілері қазақстандық жанкүйерлердің жүздеген мың пікірлері мен лайктарынан «жарылған» болатын. Ал оның «Бернлиге» арендаға ауысуынан кейін фанаттар бұл клубтың да ресурстарына жаппай тіркеле бастады.

«Ғажайып трансфер»: әйгілі британдық сарапшы Сәтпаевтың «Бернлиге» ауысуын бағалады

«Бернли»: клуб туралы ақпарат, тарихы, стадионы, бапкері. Дастан Сәтпаев қайда кетті?

«Сәтпаев – топ ойыншы»: «Челси» қақпашысы Роберт Санчес қазақстандық талант туралы айтты