«Вильярреалдағы» қазақ халықаралық жарыстың жүлдегері атанды: видео

16 жастағы «Вильярреал» академиясының қазақстандық вингері Сәлім Хасанов Тайваньда өткен халықаралық турнирде өнер көрсетті, деп хабарлайды ASnews.kz.

«Вильярреал» Шығыс Азиядағы 16 жасқа дейінгі командалар арасында өткен бәсекенің басты жұлдызды қонағы болды. Испаниялық клуб «Цзяньгун» (13:0), «Чиангмай Юнайтед» (11:0) және «Десафио Тайбэй» (10:0) ұжымдарын ірі есеппен тізе бүктіріп, топта бірінші орын алды.

Хасановтың ойынының видеосы

Финалда «сары сүңгуір қайық» «Хетафемен» шеберлік байқасты. Негізгі уақыттағы тең есептен кейін (1:1) испаниялық командалар пенальти сериясында жеңімпазды анықтады, мұнда қарсылас сәл де болса мергендік танытты (5:6). Қазақстандық шабуылшы өз соққысын сәтті орындады.

Жарыс аясында Сәлім Хасанов еншісіне жеті гол мен төрт нәтижелі пас жазды.

Алдағы апталарда «Қайраттың» экс-футболшысы ел чемпионатындағы ресми матчтарын бастайды.