«Челси» шабуылшысы ат басын Италияға бұруы мүмкін: ол Сәтпаевтың позициясында ойнайды

Италиялық «Комо» англиялық шабуылшы Лиам Делаптың трансфері бойынша «Челсимен» келіссөз жүргізуде.

Белгілі инсайдер Фабрицио Романоның хабарлауынша, Сеск Фабрегас жаттықтыратын «Комо» клубы Делапты орталық шабуылшы позициясына лайықты кандидат ретінде көріп отыр. Оның үстіне, жақында ғана Трево Чалоба «Челсиден» италиялық клубқа ауысып, содан бері қос ұжымның қарым-қатынасы жақсара түсті.

«Көктер» Делапты өткен маусымның басында «Ипсвич Тауннан» 35 миллион еуроға сатып алған еді. Содан бері «Челси» сапында 47 матчқа қатысып, 3 гол мен 5 нәтижелі пастың авторы атанды.

Хаби Алонсо ойыншылар тізімін қысқарту үшін орталық шабуылшылардан Николас Джексон мен Марк Гиуды да сатуды жоспарлап отыр.

Ал екі күн бұрын 18 жасқа толып, ресми түрде «Челси» ойыншысы атанған Дастан Сәтпаев тұрақты түрде ойын практикасын алып, еуропалық футболға бейімделу үшін басқа клубқа жалға беріледі деп күтілуде.

Қазақстандық футболшыны жалға алуға бірнеше еуропалық клуб дайын отыр. Олардың қатарында франциялық «Страсбур», англиялық «Халл Сити» және басқа да ұжымдар бар.