«Челси» Сәтпаевтың «Ювентуске» қарсы матчқа қатысуына қатысты шешім қабылдады

Лондондық «Челси» 17 жастағы қазақстандық шабуылшы Дастан Сәтпаевтың туриндік «Ювентуске» қарсы өтетін алдағы жолдастық кездесуге қатысатынына меңзеді, деп хабарлайды ASnews.kz.

Сәтпаев – алдағы ойынның анонсында

«Көктердің» баспасөз қызметі әлеуметтік желілерде ойыншылардың бұған дейінгі матчтардағы көк түсті үйдегі киім үлгісіндегі жарқын суреттер топтамасын жариялап, жазбаға: «Back in blue tomorrow» («Ертең қайтадан көк түсте») деп қысқаша сипаттама берді.

Бұл анонсқа енген футболшылардың қатарында «Қайрат» мектебінің түлегі Дастан Сәтпаев та бар. Қазақстандықтың ойын қарсаңындағы ресми промо-материалдарға ілігуі лондондықтардың бапкерлер штабы туриндік грандқа қарсы бәсекеде жас шабуылшыға сенім артатынын білдіреді.

«Көктердің» турнесі мен қазақстандықтың табысы

«Челси» мен «Ювентус» арасындағы матч 5 тамызда Гонконгта өтеді. Ағылшындық клуб үшін бұл маусымалды Азия-Тынық мұхиты турнесі аясындағы кезекті бәсеке, осыдан кейін команда Индонезияға аттанады.

Еске сала кетейік, Дастан Сәтпаев осы оқу-жаттығу жиыны кезінде өзін жарқын қырынан көрсетіп үлгерді.

• Аустралиялық «Вестерн Сидней Уондерерске» қарсы ойында (6:4) шабуылшы негізгі құрамда алаңға шығып, «Челсидің» негізгі құрамы сапындағы өзінің дебюттік голын соқты.

• Ал «Тоттенхэмге» қарсы кездесуде (1:2) қазақстандық форвард 70-минутта алаңға шықты.

Бұған дейін Гонконгта тұратын қазақстандық жанкүйерлер Сәтпаевты команда тоқтаған қонақүй жанында қарсы алып, футболшы отандастарымен тілдесіп, қолтаңба берген болатын.

Дастан Сәтпаев: өмірбаяны, толық ақпарат, жалақысы, жеке өмірі. «Челси» сапындағы алғашқы голы