«Ордабасы» мен «Қайсардың» Қазақстан кубогының финалына негізгі құрамдары белгілі болды

Шымкенттік «Ордабасы» мен қызылордалық «Қайсардың» бапкерлер штабы 2026 жылғы Қазақстан кубогының шешуші матчына шығатын алғашқы он бір ойыншыны анықтады, деп хабарлайды ASnews.kz.

Матчтың алғашқы минуттарынан алаңға келесі футболшылар шығады:

«Ордабасы»: Төлепберген, Малый, С. Астанов, Әмір, Аманович, Килама, Натель Виера, Йонсен, Кейта, Абагна, Э. Астанов;

«Қайсар»: Салайдин, Ыдырысов, Асқаров, Тәжібай, Қалдыбеков, Цуцкич, Эваристо, Маседо, Эзекиель, Ағзамбаев, Мұхамед.

Айта кетейік, ел кубогы сарапқа салынатын финалдық бәсеке бүгін «Түркістан Арена» стадионында өтеді және Астана уақытымен сағат 16:00-де басталады. Шымкенттік ұжым бұл кездесуге КПЛ-2026 маусымының қолданыстағы чемпионы мәртебесінде келіп отыр, ал қызылордалықтар аяқталған маусымның қорытындысы бойынша жоғары дивизионнан Бірінші лигаға түсіп қалды. Командалардың 11 қазан күні Қызылордада чемпионат аясында өткен соңғы бетпе-бет кездесуінде «Ордабасы» 4:1 есебімен сенімді жеңіске жеткен болатын.