Допинг дауына іліккен футболшы «Челсиге» қосылды: футболшы Сәтпаевтың позициясында ойнайды

Украина құрамасының вингері Михайло Мудрик «Челсидің» Гонконгтағы оқу-жаттығу жиынына қосылды.

25 жастағы футболшы алаңға соңғы рет 2024 жылдың 28 қарашасында шыққан. Содан кейін оның тест сынамасынан тыйым салынған заттар табылып, футболдан шеттетілді. Осы жылы Англия футбол қауымдастығы Мудрикті төрт жылға футболдан аластату туралы шешім шығарған. Бірақ футболшы аппеляциялық шағым түсіріп, нәтижесінде бірнеше күн бұрын Михайлоға футбол ойнауға қайта рұқсат етілді.

Мудрикпен бірге «Челсидің» жаттығу жиынына Майк Пендерс, Педро Нету, Дэнни Уэлбек және Жеовани Кенда қосылды.

Украиналық футболшы сол қапталдағы вингер позициясында өнер көрсетеді. Дастан Сәтпаев «Челсидің» маусымалды турнедегі алғашқы екі ойынында да дәл осы позицияда ойнады.

«Челси» кеше Аустралиядағы оқу-жаттығу жиынын аяқтап, ат басын Гонконгқа қарай бұрды. Бұл жақта бесінші тамыз күні «Ювентуспен» күш сынасады. Осы ойыннан кейін лондондықтар Индонезияға аттанды.