Сәтпаевтың «Челсиіне» АПЛ-дағы үздік бапкерлердің бірі қосылады

«Астон Вилла» клубы мен Португалия құрамасында стандартқа жауапты болған Остин Макфи жаңа маусымнан бастап «Челси» клубында жұмыс істейді.

Инсайдер Низар Кинселланың хабарлауынша, 46 жастағы шотландиялық маман Хаби Алонсоның бапкерлік штабына Гонконгтағы жаттығу жиыны кезінде қосылады.

Остин Макфидің жетекшілігімен «Астон Вилла» өткен маусымдағы 56 голының 18-ін стандарттан соқты. Сондай-ақ Макфи 2026 жылғы әлем чемпионаты кезінде Португалия құрамасына көмектесті. Роналду бастаған жігіттер Өзбекстанға қарсы ойында екі голды стандарттан соқты.

«Челси» кеше Аустралиядағы оқу-жаттығу жиынын аяқтап, ат басын Гонконгқа қарай бұрды. Бұл жақта бесінші тамыз күні «Ювентуспен» күш сынасады. Осы ойыннан кейін лондондықтар Индонезияға аттанды.

Дастан Сәтпаев «Челсидің» Сиднейдегі екі ойынына да қатысып, «Вестерн Сидней Уондерерс» қақпасына гол соқты. «Тоттенхэмге» қарсы матчты қосалқы құрамнан бастап, 70-минутта алаңға шықты.